الكلمة

معـدش ينفع نوشوش
أو نتكـلم سوا بالهـمس
لو عندك أي نصيحة
تبقى صريـحة عشان تتحس
ماتترددش.. قـُلها..
خليك فـاكر نور الشمس
طول عـُمره يـمُر وحُر
ولا بيخاف أبداً من الحبس

لو عندك كـلمة حق
قـُلها وكُـلَََّك ثقة بالنفس
ده كلامك يقدر يمنع
دم، و هَـم، وغَـم، ويـأس
على شرط يكون متوضَّب
بعد دراسة وفكر وبحث
والكلمة تبقى مراية
تبقى هداية، وسط الهلس

معلش.. هيَّ الدنيا..
بتمشي معانا ساعات بالعكس
إوعاك تستعمل شدة
أو إحراج وغلاسة وكبس
ده الدنيا ساعتـها بتبقى
كره و حقد وغل ونحس
بالكلمة الحلوة تِـهَـدِّي
تفوت وتعدي.. بل بالعكس
ح يفضل لَـك تأثـيرك..
بعد ما يبقى اتفهم الدرس